Grímuverðlaunin; Tónhylur Akademíu reið röftum í þjóðleikhúsinu í kvöld.

Flestum brá nokkuð í brún þegar í ljós kom að kvikmyndin „Undir ísnum” úr smiðju Tónhylar Akademíu hlyti tilnefningar í nærri öllum flokkum en verðlaunin hafa hingað til eingöngu verið tileinkuð sviðslistum. Ekki nóg með það að heldur tókst strákunum að vinna 15 af 16 verðlaunum sem voru í boði.

„Það er nú alveg hægt að bera rök fyrir því að þetta sé sviðslistaverk, þeir eru allir eitthvað að syngja og dansa þessir drengir, oftar en ekki á sviði”. Þetta segir Erling Jóhannesson, formaður sviðslistamiðstöðvar í samtali við miðilinn en ákvörðun hennar um að verðlauna eitt kvikmyndaverkefni í 15 af þeim 16 liðum sem verðlaun eru gefin fyrir hefur heldur betur farið misvel í lýðinn.

„Staðan er einfaldlega sú að samfélagið er að breytast og það mjög hratt. Við erum bara að reynað halda í við þær breytingar og ætlum okkur að vera skrefi á undan. Menningarætum komandi kynslóða er drullusama um einhvern grískan harmleik og nýjar útsetningar á Shakespeare. Þau vilja bara sæta, tanaða gaura og sætar, tanaðar gellur. Við getum ekki farið gegn því sem er hvað vinsælast í dag”

Tónhylur Akademía kom svo sannarlega einsog stormsveipur inn svið íslenskra menninga og lista þetta kvöldið en aldrei áður hefur ein framleiðasla hlotið jafn mörg verðlaun á einu bretti. „Þetter bara geggjað, bara ógeðslega kúl sko. Ég er alveg shocked sko, vá! Bara fokking töff skiluru” sagði Maron Birnir en hann hneppti sjálfur fjórar viðurkenningar í kvöld.

Eini flokkurinn sem Tónhylur hlaut ekki verðlaun fyrir var leikkona í aðalhlutverki enda engin kona í aðalhlutverki.

Vivian Ólafsdóttir hlaut þó verðlaun sem leikkona í aukahlutverki fyrir flutning sinn á persónunni X.

Sýning ársins: Undir Ísnum, Tónhylur Akademía